Waterpolo

Ftit li xejn jitwemmen li r-Rabat għal diversi staġuni kien jiġi rrapreżentat fil-kompetizzjonijiet tal-Waterpolo.  Minkejja li l-baħar li nsibu fil-limiti tar-Rabat huma remoti u ftit li xejn aċċessibli għall-għawm, diversi Rabtin kienu jqattaw il-ġranet tas-sajf f’San Pawl il-Baħar.

Aris Cefai jgħidilna “Barracudas ASC kien uffiċjalment rreġistrat ma l-Aquatic Sports Association (ASA) bħala Rabat ASC fl-1977 u fost il-fundaturi kien hemm il-kantant Freddie Portelli u z-ziju tiegħi Frankie Fenech. L-ewwel laqgħat tal-kumitat kienu jsiru fil-Point de Vue Guest House. Wara l-isem sar Rabat Barracudas u aktar tard Barracudas. Dan it-tim, tista tgħid twaqqaf mir-Rabtin li fis-Sajf jinżlu San Pawl il-Bahar, fl-inħawi tal-Vecca, allavolja ġieli kellhom il-bażi għat-training taħt il-Gillieru. Players mir-Rabat li lagħabu mat-tim jinkludu (hemm aktar): Edmund Bartolo, Joe Smith, Joe Cefai, Roland Saliba, Wilfred Saliba, Paul Saliba, Norbert Grixti, Etienne Barbara (nofsu Rabti), Joe Aquilina, Mark McBride (joqghod r-Rabat) u ħutu John u Patrick.” U “Mill-Imdina kien hemm Simon Galea Testaferrata u Robert Cassar (ma nafx jekk hux Rabti). Kien hemm ukoll David Zammit, illum miżżewweġ ir-Rabat.” …Novembru 2011

L-istess Joe Smith, li kien plejer ta’ Barracudus jgħidilna li “L-ewwel training sessions tar-Rabat ASC fix-xitwa kienu jsiru l-Paradise Bay Hotel ġewwa l-indoor pool. Kellna ġibda mir-Rabat. Kien jinżel għat-training ukoll ċertu Pawlu l-Lajs. Kien jilgħab il-futball ukoll. Mingħalija goalkeeper. Spiss konnha ninżlu xi erbgħa miegħu fil-Hillman li kellu.”..Novembru 2011

Il-Barracudas kien jikkompeti kemm b’tim tal-irġiel, żagħżagħ u ukoll tim tan-Nisa.  L-akbar suċċess għal Barracudas wasal fl-1991 meta rebħu l-kampjonat tat-2 Diviżjoni tal-ASA.

fl-inhawi tal-Vecca, allavolja gieli kellhom il-bazi ghat-training taht il-Gillieru. Players mir-Rabat li laghabu mat-tim jinkludu (hemm aktar): Edmund Bartolo, Joe Smith, Joe Cefai, Roland Saliba, Wilfred Saliba, Paul Saliba, Norbert Grixti, Etienne Barbara (nofsu Rabti), Joe Aquilina, Mark McBride (joqghod r-Rabat) u hutu John u Patrick

Ringrazzjament: Aris Cefai, Christopher Farrugia, Joe Smith, Michel Bugeja

 

Zur Il-Fan Page ta’ Barracudas Sports Club